Lok Sabha Election 2024 – काँग्रेसचं ज्येष्ठ नेते ए. के. अँटनी यांनी मंगळवारी आपल्या मुलाचा पक्ष असलेला भाजप केरळमध्ये हरायल हवा असं आवाहन केलं आहे. कारण, ए. के. अँटनी यांचा मुलगा अनिल के. अँटनी हा केरळच्या पत्तनमथिट्टा लोकसभा मतदारसंघातून निवडणूक लढवत आहे. त्यामुळे त्यांनी मुलाचा पक्ष हरावा असं आवाहन केलं आहे.
एका पत्रकार परिषदेत बोलताना अँटनी म्हणाले की, काँग्रेस नेत्यांची मुलं भाजपमध्ये सहभागी होत आहेत हे चुकीचं आहे. काँग्रेस माझ्यासाठी धर्माप्रमाणे आहे. माझा मुलगाही भाजपकडून लढत आहे. पण माझ्या मुलाचा पक्ष हरावा. त्यामुळे त्याचा पक्ष हरायला हवाय असं आवाहन अँटनी यांनी केलं आहे.
यापूर्वी अँटनी यांनी लोकसभा निवडणुकीवर भाष्य केलं असून ही करो किंवा मरोची निवडणूक आहे. हिंदुस्थानच्या लोकशाही या संकल्पनेचं भविष्य असेल किंवा नाही, हे या निवडणुकीतून सिद्ध होणार आहे, असंही अँटनी म्हणाले.
