पत्नी-पत्नी व पाच वर्षीय मुलीला चिरडून घटनास्थळावरून पसार झालेला भाजप पदाधिकाऱयाचा मुलगा जय चंद्रहास घरत हा उलवे येथील सेक्टर-23 मध्ये एका खासगी हॉस्पिटलमध्ये उपचाराच्या नावाखाली लपून बसला असल्याचे आज उघडकीस आले. अपघात घडल्यानंतर पळून जाताना घरत याने रेल्वे पोलिसांना शिवीगाळ करून मारहाण केली होती.
अपघात घडल्यापासून गेले सहा दिवस जय घरत हा फरारी होता. पोलीस याप्रकरणी कोणतीही कारवाई करण्यात नसल्यामुळे विविध सामाजिक संस्था आणि नागरिकांनी पोलिसांवर टीकेची झोड उठली होती. या आरोपानंतर न्हावा-शेवा बंदर विभागाचे एसीपी डॉ. विशाल नेहूल यांनी तपास स्थानिक गुन्हे अन्वेषण विभागाकडे सोपविण्याच्या सूचना केल्या होत्या. त्यानंतर दुसऱयाच दिवशी जय घरत हा उलवे येथील सेक्टर- 23 मध्ये एका खासगी हॉस्पिटलमध्ये भरती झालेला सापडला. पोलिसांनी त्याला अद्यापही अटक केलेली नाही.
