दोन रुपयांच्या सुटय़ा पैशांवरून वृद्ध प्रवाशाची हत्या करणाऱ्या रिक्षाचालकाला दिंडोशी सत्र न्यायालयाने पाच वर्षे तुरुंगवासाची शिक्षा ठोठावली. रामप्रवेश चौहान असे आरोपीचे नाव आहे. बोरिवली पश्चिम परिसरात 14 एप्रिल 2016 रोजी ही घटना घडली होती.
भगवती रुग्णालयाजवळील निवासी इमारतीत रात्रपाळीची डय़ुटी केल्यानंतर वृद्ध सुरक्षारक्षक घरी परतत होता. शेअर रिक्षाचे भाडे प्रत्येकी 12 रुपये होते, तर वृद्धाने रिक्षाचालकाला 20 रुपये दिले होते. यावेळी दोन रुपये सुटे न दिल्याच्या कारणावरून वाद झाला. या वादामध्ये 24 वर्षीय रामप्रवेशने धक्काबुक्की केली असता वृद्ध खाली कोसळला व त्याच्या डोक्याला गंभीर दुखापत झाली. दुसऱया दिवशी उपचारादरम्यान त्याचा मृत्यू झाला. याप्रकरणी सत्र न्यायाधीश डी. जी. ढोबळे यांनी रामप्रवेशला सदोष मनुष्यवधाच्या गुह्यात दोषी ठरवले आणि पाच वर्षे तुरुंगवास ठोठावला.
