IPL 2024 मध्ये राजस्थान रॉयल्सने आपले वर्चस्व निर्माण केले आहे. फलंदाज, गोलंदाज आणि क्षेत्ररक्षकांच्या धमाकेदार कामगिरीमुळे राजस्थानच्या संघाने सर्वच सामन्यांमध्ये चांगले प्रदर्शन केले आहे. खेळाडूंनी केलेल्या चांगल्या प्रदर्शनामुळेचं सर्वाधिक सामने जिंकून राजस्थानचा संघ गुणतालिकेत पहिल्या क्रमांकावर विराजमान आहे. याच संघातील 10 खेळाडू जूनमध्ये अमेरिका आणि वेस्ट इंडिजमध्ये होणाऱ्या टी-20 विश्वचषकात खेळताना दिसण्याची शक्यता आहे.
देशांतर्गत क्रिकेटपटूही होणार मालामाल; ‘बीसीसीआय’ लवकरच घेणार मोठा निर्णय
राजस्थानकडून सलामीला उतरणाऱ्या जॉस बटलर टी-20 विश्वचषकात इंग्लंड संघाचे आणि रोवमन पॉवेल वेस्ट इंडिज संघाचे नेतृत्व करतना दिसणार आहेत. तर यशस्वी जयसवाल, संजू सॅमसन, युजवेंद्र चहल आणि आवेश खान टीम इंडिया कडून खेळताना दिसण्याची शक्यता आहे. त्याचबरोबर शिमरन हेमायर (वेस्ट इंडिज), ट्रेंट बोल्ट (न्युझीलंड), केशव महाराज आणि नांद्रे बर्गर (दक्षिण आफ्रिका) हे खेळाडू आपापल्यला संघाकडून खेळताना दिसण्याची शक्यता आहे. कोणाकोणाला संधी मिळणार याचे चित्र पुढील काही दिवसांमध्ये स्पष्ट होईल.
