दाक्षिणात्य चित्रपटसृष्टीतील सुप्रसिद्ध अभिनेता अल्लू अर्जूनचा बहुप्रतिक्षित पुष्पा 2 द रुलचा टीझर सोमवारी रिलीज झाला. अल्लू अर्जूनच्या 42 व्या वाढदिवसा दिवशी हा टीझर रिलीज करण्यात आला आहे. ‘पुष्पा द राइज’च्या भरगोस यशानंतर पुष्पा 2 ची चाहते आतुरतेने वाट पाहत होते. 500 कोटींचे बजेट असलेला पुष्पा 2 द रुल 15 ऑगस्ट रोजी सिनेमागृहांमध्ये प्रदर्शित होणार आहे.
पुष्पा 2 द रुल चा टीझर सगळीकडे धुमाकुळ घालत आहे. टीझरमध्ये अल्लू अर्जूनचा चित्रपटातील लूक रिव्हील केला आहे. यामध्ये तेलंगणातील हिंदू आदिवासी लोकांच्या देवतांचा उत्सव जथाराने दाखविण्यात आला आहे. अल्लू अर्जून एका सुंदर निळ्या रंगाच्या पट्टू साडीमध्ये दिसत आहे. त्याच्या या लूकसोबत त्याचा पुष्पा स्टाईल आयकॉनिक फाइट सीन देखील दाखवण्यात आला आहे.
या चित्रपटात अल्लू अर्जूनसोबत, रश्मिका आणि फहद फासिल हे मुख्य भूमिकेत दिसणार आहेत. त्याचबरोबर जगपती बाबू, अनसूया भारद्वाज, धनंजय, अजय यांसारखे कलाकार देखील आहेत. पुष्पा द राइज मधील भूमिकेसाठी अल्लू अर्जून राष्ट्रीय पुरस्काराचा मानकरी ठरला होता. त्यामुळे दुसऱ्या चित्रपटाकडून प्रेक्षकांना खूप अपेक्षा आहेत.
