समादेशक, राज्य राखीव पोलीस बल गट क्र. 7 दौंड यांच्या आस्थापनेवरील सशस्त्र पोलीस शिपाई (पुरुष) या रिक्त असलेल्या 110 पदांची लेखी परीक्षा 23 जुलै 2023 रोजी परिक्रमा शैक्षणिक संकुल काष्टी, ता. श्रीगोंदा (जि. अहमदनगर) येथे होणार आहे.
पोलीस शिपाई (पुरुष) यांची रिक्त असलेल्या 110 पदाकरीता मैदानी चाचणी घेण्यात आलेली आहे. मैदानी चाचणीमध्ये प्राप्त गुणांच्या व सामाजिक तसेच समांतर आरक्षणाप्रमाणे लेखी परीक्षाकरीता पात्र असणाऱ्या उमेदवारांची निवड यादी प्रसिद्ध करण्यात आलेली आहे.
जे उमेदवार लेखी परीक्षेकरीता पात्र झालेले आहेत अशा उमेदवारांचे लेखी परीक्षा प्रवेश पत्र https://policerecruitment2022.mahait.org व www.mahapolice.gov.in या संकेतस्थळावर उपलब्ध करुन देण्यात आलेले आहेत. उमेदवारांनी प्रवेशपत्रावर दिलेल्या सूचनेप्रमाणे लेखी परीक्षेकरीता हजर रहावे, असेही राज्य राखीव पोलीस बल गट क्र. 7 च्या समादेशक राजलक्ष्मी शिवणकर यांनी कळविले आहे.
