राष्ट्रवादी काँग्रेस शरदचंद्र पवार पक्षाने बुधवारी दोन उमेदवार जाहीर केले. सातार्यातून शशिकांत शिंदे तर रावेर येथून श्रीराम पाटील यांना संधी देण्यात आली आहे.
सातार्याचे विद्यमान खासदार श्रीनिवास पाटील यांनी प्रकृतीच्या कारणास्तव लोकसभा निवडणूक लढवण्यास नकार दिला. त्यामुळे या जागेवर उमेदवारीचा पेच निर्माण झाला होता. आमदार शशिकांत शिंदे यांचे नाव आज जाहीर करण्यात आले. रावेर मतदारसंघात श्रीराम पाटील यांना तिकीट देण्यात आले असून, त्यांचा सामना भाजपच्या रक्षा खडसे यांच्याशी होणार आहे.