केंद्र सरकारने Netflix NFLX.O, Disney DIS.N आणि इतर स्ट्रीमिंग सेवा पुरवणाऱ्या कंपन्यांना आदेश दिला आहे की, कंटेंट ऑनलाइन दाखविण्यापूर्वी त्यांच्यात अश्लीलता आणि हिंसाचाराचे चित्रण तर नाही ना हे स्वतंत्रपणे पुनरावलोकन केले पाहिजे.
माहिती आणि प्रसारण मंत्रालयात 20 जून रोजी झालेल्या बैठकीत हा प्रस्ताव स्ट्रीमिंग प्लॅटफॉर्म करता काढण्यात आला. ओटीटी प्लॅटफॉर्म म्हणून ओळखल्या जाणार्‍या स्ट्रीमिंग कंपन्यांनी यावर आक्षेप घेतला आणि त्यांच्या आक्षेपांमुळे यावर निर्णय झालेला नाही.
मंत्रालयाने ‘ओटीटी प्लॅटफॉर्मवरील अश्लील आणि असभ्य कंटेंटबद्दल अनेकांनी चिंता व्यक्त केली. यामध्ये संसद सदस्य, नागरिकांचे गट आणि सामान्य जनतेचा समावेश आहे’.
नेटफ्लिक्स आणि अॅमेझॉन हिंदुस्थानात प्रचंड लोकप्रिय झाले आहेत. 2027 पर्यंत या क्षेत्रासाठीची बाजारपेठ $7 अब्ज पर्यंत वाढण्याची शक्यता आहे, असं मीडिया पार्टनर एशियानं म्हटलं आहे.
बैठकीत अधिकार्‍यांनी उद्योगाला कंटेंटचे पुनरावलोकन करण्यासाठी स्वतंत्र पॅनेलचा विचार करण्यास सांगितलं जेणेकरून निरुपयोगी कंटेंट वगळाता येईल, असं उपस्थित लोकांनी सांगितलं.
ओटीटी प्लॅटफॉर्मनं आक्षेप घेतल्यानंतर देखील अधिकार्‍यांनी त्यांना यावर विचार करण्यास सांगितलं, असंही ते म्हणाले.
यासाठी एक बैठक बोलवण्यात आली होती. या बैठकीला Amazon AMZN.O, Disney, Netflix, Reliance चे RELI.NS ब्रॉडकास्ट युनिट, Viacom18 आणि Apple AAPL.O टीव्ही चे प्रतिनिधी उपस्थित होते. यावर कंपन्या किंवा सरकारकडून कोणतीही अधिकृत माहिती देण्यात आलेली नाही.
