‘अण्णापूराणी’ चित्रपटाबाबत आधीच नाराजी आहे. अशातच अभिनेत्री नयनतारा, चित्रपटाचे दिग्दर्शक आणि निर्माते आणि नेटफ्लिक्स इंडियाची कंटेंट प्रमुख मोनिका शेरगिल यांच्या विरोधात गुन्हा दाखल करण्यात आला आहे.
मध्य प्रदेशातील जबलपूर येथील संघटनेने दाखल केलेल्या FIR मध्ये आरोपींनी हिंदूंच्या धार्मिक भावना दुखावल्याचा, प्रभू रामाचा अनादर केल्याचा आणि चित्रपटाद्वारे ‘लव्ह जिहाद’ला प्रोत्साहन दिल्याचा आरोप करण्यात आला आहे.
ओमटी पोलीस स्टेशनमध्ये हिंदू सेवा परिषदेने FIR दाखल केला असून त्यात नयनतारा, दिग्दर्शक नीलेश कृष्णा, निर्माते जतिन सेठी आणि आर रवींद्रन आणि नेटफ्लिक्स इंडियाच्या कंटेंटमध्ये मोनिका शेरगिल यांच्यासह सात आरोपींची नावे आहेत. 1 डिसेंबर रोजी चित्रपटगृहांमध्ये प्रदर्शित झालेला हा चित्रपट 29 डिसेंबर रोजी OTT प्लॅटफॉर्मवर प्रदर्शित झाला.
