टीव्ही अभिनेत्री आणि ‘बिग बॉस 14’ ची विजेती रुबीना दिलेक सोशल मीडियावर कायम चर्चेत असते. रुबिना तिच्या अभिनयाबरोबरच तिच्या फॅशन सेन्समुळेही ओळखली जाते. लवकरच रूबिना पंजाबी फिल्म इंडस्ट्रीमध्ये पदार्पण करत आहे. तिचा ‘चल भज्ज चलिये’ हा सिनेमा लवकरच येणार आहे. त्याआधी मंगळवारी या सिनेमाची तिच्या खास लोकांसाठी स्पेशल स्क्रिनिंग ठेवली होती. त्यावेळी रूबिना सुंदर दिसत होती. तिने त्याचे काही फोटो तिच्या इंस्टाग्राम अकाऊंटवर शेअर केले आहेत. यामध्ये तिने कोट पॅण्ट अशा पोशाख घातला आहे. रूबिनाने काळ्या रंगाचा कोट-पॅण्ट घातला होता. मात्र रूबिनाने कोट-पॅण्टच्या कमरेवर बांधलेल्या गुलाबी रंगाच्या रिबीनने सर्वांचे लक्ष वेधले. तसेच रूबीनाने स्टायलिश आऊटफीटवर हाय हिल्स घातले होते. तर चेहऱ्यावर सटल ब्राऊन शेड मेकअपसोबत केसांच्या मधोमध भांग पाडून मोकळे ठेवले होते. तिचे हे फोटो चाहत्यांना प्रचंड आवडले आहेत.
