आपत्कालीन स्थितीवर नजर ठेवण्यासाठी मुंबईभरात तब्बल बारा हजार सीसीटीव्ही कॅमेरे बसवण्यात आले असून आता पालिकेच्या पुढाकाराने आणखी पाचशे सीसीटीव्ही कॅमेरे बसवण्यात येणार आहेत. या कॅमेऱयांचे प्रक्षेपण पालिकेच्या विभागीय कार्यालयातील आपत्कालीन विभागात देण्यात येणार आहे. यासाठी पालिका सुमारे आठ कोटी 86 हजार रुपये खर्च करणार आहे. पावसाळय़ात मुंबईत पाणी तुंबून कोणतीही आपत्कालीन स्थिती निर्माण झाल्यास या सीसीटीव्हीची मदत होणार आहे. याशिवाय वाहतूककोंडी, कोणतीही आपत्कालीन स्थिती, दुर्घटना अशा स्थितीमध्ये माहिती मिळावी आणि उपाययोजना करता याव्यात यासाठी हा उपक्रम हाती घेण्यात आल्याचे पालिकेकडून सांगण्यात आले आहे.
