अग्निवीर योजनेतून निवड झालेल्या एका प्रशिक्षणार्थी तरुणीने आत्महत्या केली आहे. ही तरुणी मूळची मुंबईची असून ती अग्निवीर म्हणून मुंबईतील आयएनएस हमला इथे प्रशिक्षण घेत होती. वैयक्तिक कारणांमुळे तिने आत्महत्या केली असावी असा अंदाज आहे. अपर्णा नायर असं या तरुणीचं नाव असल्याचे कळते आहे.
Mumbai | A 20-year-old woman, who was under training in the Navy for Agniveer, allegedly died by suicide by hanging herself. As per an official, the woman was under training at INS Hamla at the time of the incident. Malvani Police registered an ADR and is carrying out further…
— ANI (@ANI) November 28, 2023
अपर्णा दोन आठवड्यांपूर्वीच मुंबईला आली होती. ती 15-20 तरुणींसह मालवणी इथे राहात होती असे मालवणी पोलीस ठाण्याचे वरिष्ठ पोलीस निरीक्षक चिमाजी आढाव यांनी सांगितले. पोलिसांनी दिलेल्या माहितीनुसार अपर्णासोबत राहणारी तरूणी सकाळी 10.30 च्या सुमारास खोलीवर आली होती. तिने खोलीचा दरवाजा वाजवला मात्र आतून काहीच प्रतिसाद आला नाही. अपर्णाच्या मैत्रिणीने इतरांच्या मदतीने दरवाजा तोडून घरात प्रवेश केला तेव्हा त्यांना अपर्णाचा मृतदेह दिसून आला. पोलीस सदर प्रकरणाचा तपास करत असून आत्महत्येपूर्वी अपर्णा तिच्या नातेवाईकांशी बोलत असल्याचं तिच्या मोबाईलमधील कॉल लिस्टवरून कळालं आहे.