जम्मू आणि कश्मीर पोलिसांनी गुरुवारी सांगितलं की त्यांनी अनंतनाग जिल्ह्यात दोन ‘लश्कर-ए-तोयबा’च्या दहशतवाद्यांना ‘घेरलं’ आहे. याआधी बुधवारी झालेल्या चकमकीत तीन सुरक्षा अधिकारी शहीद झाले होते.
‘कर्नल मनप्रीत सिंग, मेजर आशिष ढोणक आणि डीएसपी हुमायून भट यांच्या अतुल शौर्याला विनम्र आदरांजली. ज्यांनी या दहशतवाद्यांविरोधातील मोहिमेमध्ये आपले प्राण अर्पण केले. आमचे जवान अजूनही अटल निर्धाराने लढत आहे. उझैर खानसह ‘लश्कर-ए-तोयबा’च्या 2 दहशतवाद्यांना घेरण्यात आलं असून कश्मीर झोन पोलिसांनी ट्विटरवर एका पोस्टद्वारे ही माहिती दिली आहे.
बुधवारी अनंतनाग जिल्ह्यातील कोकरनाग भागात गडोले येथे दहशतवाद्यांशी झालेल्या चकमकीत 19 राष्ट्रीय रायफल्सचे कमांडिंग अधिकारी, एक प्रमुख दर्जाचा अधिकारी आणि एक पोलीस उपअधीक्षक शहीद झाले होते.
दरम्यान, शिवसेना (उद्धव बाळासाहेब ठाकरे) नेते, युवासेना प्रमुख आदित्य ठाकरे यांनी दहशतवाद्यांशी झालेल्या चकमकीतील शहिदांना श्रद्धांजली वाहिली आहे.
जम्मू-काश्मीरमधील अनंतनागमध्ये सुरक्षा दल व दहशतवाद्यांसह झालेल्या चकमकीत कर्नल मनप्रीत सिंह, मेजर आशिष धनौक, जम्मू काश्मीरचे पोलिस अधिकारी हुमायूं भट ह्यांना वीरमरण आले. ह्या तीनही शहिदांना भावपूर्ण श्रद्धांजली.
त्यांचे बलिदान हे राष्ट्र कधीच विसरणार नाही.
ॐ शांती! pic.twitter.com/920kiNsMtZ— Aaditya Thackeray (@AUThackeray) September 14, 2023
