उन्हाची काहिली वाढली आहे. पारा चढत आहे. घराबाहेर पडणेही अवघड झालंय. भर दुपारी तर परिस्थिती फारच बिकट आहे. अशावेळी कुणी तुमच्या डोक्यावर सावली धरली तर… पुद्दुचेरी येथे खरंच असा प्रकार घडलाय. पुद्दुचेरीच्या सार्वजनिक बांधकाम विभागाने उष्णतेचा वाढता प्रकोप पाहून प्रत्येक ट्रफिक सिग्नलजवळ लांबलचक हिरव्या शेड्स लावल्या आहेत. भर उनात ग्रीन सिग्नलची वाट बघत उभ्या राहणाऱयांना प्रवाशांसाठी ही सुविधा देण्यात आली आहे. याचा व्हिडियो एक्स या सोशल मीडियावर प्लॅटफॉर्मवर शेअर करण्यात आला आहे. कडक उनात डोक्यावर शेड असल्याने शांतपणे ट्रफिक सिग्नल सुटण्याची वाट पाहणारे बाईकस्वार या व्हिडियोत दिसत आहेत. यावर नेटीजन्स भरभरून प्रतिक्रिया देत आहेत.
